EUR 2.0949 USD 1.7001 RUB 0.03

Yeniliklər

Avropa İttifaqı "Apple" - "Shazam" sövdələşməsindən şübhələndi

  • 391 dəfə
  • Tarix 07 Fevral 2018 / 13:47

Avropa Komissiyası "Apple" şirkətinin audioter və şəkilləri tanıyan "Shazam" xidmətini alması ilə bağlı sövdələşməni nəzərdən keçirir.

 

İKT.lent.az-ın xəbərinə görə, bu barədə Avropa Komissiyasının məlumatında deyilir.

 

Bildirilir ki, Avropa Komissiyası Avstriya, Norveç, İslandiya və İsveçdən "Apple"in "Shazam"ı əldə etməsi ilə bağlı sorğu alıb. Avropa Komissiyasının ekspertləri hesab edir ki, bu sövdələşmə Avropa iqtisadi zonasında rəqabətə mənfi təsir edir.

 

Qeyd edək ki, ötən ilin dekabrında ABŞ-ın “Apple” korporasiyası Britaniyanın “Shazam Entertainment” şirkətini satın aldığını təsdiqləyib. Amerikalılar sövdələşmənin dəyərini açıqlamayıblar, lakin “TechCrunch” texnobloqu satınalmanın 400 milyon dollar təşkil etdiyini yazıb. “Shazam”ın “Apple Music” ekosisteminə inteqrasiya ediləcəyi gözlənilir. Bu addım şirkətin “Spotify” ilə rəqabətinə kömək edəcək. “Apple Music”in 27 milyon, “Spotify”ın 60 milyon abunəçisi var. “Shazam”ın dünya üzrə aktiv istifadəçilərinin sayı isə 150 milyon nəfərdən çoxdur. “Shazam” dünyada musiqilərin tanınması üzrə ən məşhur xidmətdir. Onun köməyi ilə istifadəçilər istənilən kontenti – audio və videoları, reklam elanlarını, qəzet-jurnallarda çıxan çap reklamlarını, küçə lövhələrində, eləcə də əşyaların paketlərindəki təsvirləri tanıya bilir.

SİZİN REKLAM BURADA