EUR USD RUB

Redaktorun seçimi

"Google" məhkəmə qarşısında: Şirkət "iPhone" sahiblərini izləyir

  • 770 dəfə
  • Tarix 22 May 2018 / 18:11

Böyük Britaniyada “Google” əleyhinə kollektiv məhkəmə iddiası qaldırılıb.

 

İKT.lent.az-ın “The Guardian”a istinadən verdiyi xəbərə görə, ABŞ-ın IT nəhəngi Böyük Britaniyada 4,4 milyon “iPhone” istifadəçisini qanunsuz izləməkdə ittiham olunur.   

 

İddia istehlakçı bazarını araşdıran “Which?” şirkətinin sabiq direktoru Riçard Lloyd tərəfindən məhkəməyə təqdim edilib.

 

İddiada bildirilir ki, “Google” 2011-ci ilin avqustundan 2012-ci ilin fevralına qədər “Apple”ın mobil cihazlarında “Safari” brauzerinin konfidensiallığını pozub. Məqsəd insanlara ünvanlı reklamlar göndərmək üçün onların məlumatlarını əldə etmək və kateqoriyalara ayırmaq olub. Şirkət “Safari”də axtarış tarixçəsinə çıxış imkanı verən alqoritmdən yararlanıb. “Google” irq, fiziki forma, siyasi baxışlar, seksual orientasiya, sosial status, maliyyə vəziyyəti, istehlakçı maraqları, geolokasiya kimi məlumatlar əldə edib.  

 

Tələb olunan təzminat miqdarı 3,2 milyard funt-sterlinq və ya 4,3 milyard dollardır. “Bloomberg” bildirir ki, “Which?” məhkəməni udacağı təqdirdə, hər zərərçəkənə 750 funt-sterlinq vəd edib. Məhkəmə mayın 21-də başlayıb.

 

“Google”a qarşı analoji ittihamlar 2012-ci ildə ABŞ-da da irəli sürülüb. Şirkət məhkəmə tərəfindən günahkar bilinərək 22,5 milyon dollar cərimələnib. Ümumilikdə “Google”un 39,5 milyon dollar xərci çıxıb.

SİZİN REKLAM BURADA