EUR USD RUB

Redaktorun seçimi

Zukerberq və “WhatsApp” yaradıcıları nəyin üstündə mübahisə ediblər? - AÇIQLANDI

  • 870 dəfə
  • Tarix 07 İyun 2018 / 12:01

“WhatsApp”ın yaradıcıları Yan Kum və Brayan Akton son illər messencerin inkişafının biznes modelinin necə olması mövzusunda “Facebook”un qurucusu və rəhbəri Mark Zukerberq və şirkətin əməliyyat direktoru Şeril Sandberq ilə mübahisə ediblər.

 

İKT.lent.az-ın xəbərinə görə, bu barədə “The Wall Street Journal” (WSJ) məlumat yayıb.

 

Mübahisə istifadəçilərin şəxsi məlumatlarının istifadəsi ilə bağlı olub. Zukerberq və Sandberq reklam modelinin tərəfdarı olublar və istifadəçilərin informasiya mübadiləsindən yararlanaraq onlara ünvanlı reklamların göstərilməsini istəyiblər. Kum və Akton isə bu cür gəlir qazanmaq metoduna nifrətlə yanaşaraq gizliliyin qorunmasının qatı tərəfdarı kimi çıxış ediblər. Məlumatlı mənbə tərəflərin münasibətlərinin “passiv-aqressiv” kimi qiymətləndirib. Zaman keçdikcə hər iki tərəf öz opponentlərinin yanaşmalarından daha çox məyus olub, nəticədə B. Akton 2017-ci ilin sentyabrında, Y. Kum isə 2018-ci ilin mayında istefaya gedib.

 

Xatırladaq ki, “Facebook İnc.” “WhatsApp”ı 2014-cü ildə 22 milyard dollara əldə edib.  Bu, sosial şəbəkənin ən bahalı yatırımıdır. Məsələn, müqayisə üçün deyək ki, “Facebook” “Instagram”ı 736 milyon dollara, virtual reallıq eynəkləri hazırlayan “Oculus VR” şirkətini isə 2,30 milyard dollara satın alıb.

SİZİN REKLAM BURADA