Bu bölmə Bakcell tərəfindən təqdim olunur

Gürcüstanın 7 şirkəti “Microsoft”a 100 min dollar ödəyəcək

Ötən ilin noyabr ayından bu ilin noyabr ayınadək Gürcüstanda “Microsoft”un əqli mülkiyyət hüququnun pozulduğu 10 məhkəmə işinə baxılıb ki, bunlardan artıq yeddisi üzrə proses başa çatıb.

 

İKT.lent.az-ın xəbərinə görə, kompensasiyanın ümumi məbləği 239 min laridən (96,1 min dollardan) çox təşkil edib. Məhkəmədə işinə baxılan şirkətlər kompensasiyanı ödəməklə yanaşı, istifadə etdikləri lisenziyasız proqram təminatlarını da leqallaşdırıb.

 

Hazırda Gürcüstan məhkəməsi “Microsoft”un əqli mülkiyyət hüququnun pozulduğu daha üç məhkəmə işinə baxır. Müəllif hüquqlarının pozulmasına qarşı bu cür mübarizə Gürcüstanda “Microsoft” şirkətinin əqli mülkiyyət hüquqlarının qorunması üzrə maraqlarını təmsil edən “Business Legal Bureau” (BLB) hüquq şirkəti tərəfindən həyata keçirilir.

 

“Əqli mülkiyyət hüquqlarının effektiv qorunması Gürcüstanın gələcəkdə Avropa Birliyinə qoşulma səylərinin ayrılmaz bir hissəsidir. Cari qanunvericilik müəllif hüquqları sahiblərini qanunsuz proqram təminatından istifadəsi ilə mübarizə sahəsində hüquq mexanizmləri ilə təmin edir. Bu mexanizm sayəsində müəllif hüququ sahibləri inzibati, cinayət və mülki icraatları başlada bilərlər”, - deyə BLB-nin icraçı partnyoru və “Microsoft”un hüquq məsləhətçisi Kaxa Şarabidze bildirib.

 

BSA-nın (Business Software Alliance) apardığı son qlobal araşdırmanın nəzticələrinə əsasən, 2015-ci ildə Gürcüstanda proqram təminatlarının 85%-i lisenziyasız olub ki, bunun da ümumi dəyəri 24 mln. dollar təşkil edib.

 

“Qanunsuz proqram təminatından istifadə həm şirkətlər, həm də istifadəçilər üçün böyük risklər yaradır. Bu cür davranışların nəticələri bizneslər üçün tərəfdaş və investor inamının və nüfuzun itirilməsinə gətirib çıxara bilər. Qeyri-leqal proqram təminatından istifadə kibercinayətlara yaşıl işıq salır. Qurbanlara çevrilmiş istifadəçilər isə maliyyə itkiləri, əsəb pozuntusu və bəzən də məxfi məlumatların itkisi ilə öz səhvlərinin cəzasını çəkirlər. Məsələn, bu cür kiberhücumların nəticələrini aradan qaldırmaq üçün orta hesabla 45 gün vaxt tələb olunur. Bununla yanaşı, proqram təminatının daha münasib qiymətə bulud texnologiyası ilə leqallaşdırmaq mümkündür”, - deyə “Microsoft Ukraine” şirkətinin Əqli mülkiyyət hüquqlarının qorunması departamentinin rəhbəri Yelena Dmitriyeva qeyd edib.

 

LENT

22 Noyabr 2017
21 Noyabr 2017
20 Noyabr 2017
17 Noyabr 2017