Bu bölmə Bakcell tərəfindən təqdim olunur

ABŞ dövlət qurumlarına "Kasperski"dən imtina etmək göstərişi verildi

ABŞ hökuməti dövlət qurumlarına yaxın üç ay ərzində "Kasperski Laboratoriyası"nın məhsullarından imtina etmək barədə göstəriş verib.

 

İKT.lent.az-ın RBK-ya istinadən xəbərinə görə, bu barədə ABŞ Daxili Təhlükəsizlik Nazirliyi açıqlama yayıb.

 

Açıqlamada bildirilir ki, "Kasperski Laboratoriyası"nın məhsulları ölkənin təhlükəsizliyinə xələl gətirir və Rusiya hökuməti tərəfindən Birləşmiş Ştatların hökumət sənədlərinə çıxış məqsədilə istifadə oluna bilər.

 

Yaxın 30 gün ərzində bütüm dövlət qurumları "Kasperski Laboratoriyası"nın məhsullarının mövcudluğu barədə hesabat tərtib etməli, 60 gün ərzində başqa şirkətlərin məhsullarına keçid barədə düşünməli, 3 ay sonra isə Rusiya istehsalı olan bütün antivirus proqramlarından imtina etməlidir.

 

ABŞ hökuməti "Kasperski Laboratoriyası"nın bəzi nümayəndələrinin Rusiya kəşfiyyatı ilə əlaqədə şübhəli bilir.

 

"Kasperski Laboratoriyası" isə bu qərara etiraz etmək hüququnu özündə saxladığını bildirib.

LENT

21 Noyabr 2017
20 Noyabr 2017
17 Noyabr 2017
16 Noyabr 2017