Bu bölmə Bakcell tərəfindən təqdim olunur

“Google” ağdərili kişilərin hüquqlarını pozmaqda suçlandı

“Google”un iki keçmiş əməkdaşı – Ceyms Damor və Devid Qudman Kaliforniya ştatının Santa-Klara məhkəməsində şirkətə qarşı iddia qaldırıb.

 

İKT.lent.az-ın BBC-yə istinadən verdiyi xəbərə görə, sabiq əməkdaşlar “Google”u avropoid irqinə mənsub olan və mühafizəkar siyasi baxışlara malik kişilərə qarşı dikriminasiya siyasətində ittiham ediblər. Onların iddiasına əsasən “Google” vəzifələrə qadınları və müxtəlif azlıqları cəlb etmək üçün qanunsuz kvotalar müəyyənləşdirir, mühafizəkar baxışları olan əməkdaşları, o cümlədən prezident Donald Trampı dəstəkləyənləri müdafiə etmir. “Bu cür əməkdaşlara şirkət daxilində açıq şəkildə hədə-qorxu gəlirlər və onları təqibə məruz qoyurlar”, - deyə Damor və Qudman bildirib.  

 

“Google”dan isə deyiblər ki, şirkət məhkəmədə bu ittihamlar üzrə özünü müdafiə etməyi səbirsizliklə gözləyir.

 

Ceyms Damor “Alphabet Inc.” (“Google”un sahibi) korporasiyasından ötən il xaric olunub. O, qadınların bioloji fərqlər səbəbi ilə texnoloji sahədə daha az bacarıqlara sahib olduğu haqda hesabat hazırlamışdı. Maraqlıdır ki, “Google” daha öncə qadınlara qarşı da diskriminasiyada ittiham edilib. ABŞ Əmək Departamenti hazırda “Google”da qadınlara daha az əməkhaqqı verilməsi məsələsini araşdırır.  

LENT

19 İyun 2018
18 İyun 2018
15 İyun 2018
14 İyun 2018
13 İyun 2018
12 İyun 2018