Bu bölmə Bakcell tərəfindən təqdim olunur

Azərbaycanda “GetContact”a qadağa qoyuldu

Azərbaycanda “GetContact” proqramına giriş məhdudlaşdırılıb.

 

İKT.lent.az-ın “Qafqazinfo”ya istinadən xəbərinə görə, bu proqram vasitəsilə istənilən nömrəni axtarışa verib onun kimə məxsus olduğunu öyrənmək mümkün olurdu.

 

Belə ki, proqram telefona yüklənən zaman istifadəçidən şəxsi məlumatlarına, həmçinin yaddaşda saxlanılan telefon nömrələrinə girişə icazə verilirdi. Bu üsulla proqramı yükləyən hər kəsin telefonundakı nömrələr vahid bazada toplanırdı. Sonra isə hər hansı bir nömrəni proqramın axtarış hissəsinə yazıb sorğu verdikdə həmin “app”i yükləyən şəxslərin bu nömrəni hansı adla qeydiyyatdan keçirdiyi üzə çıxırdı.

 

Bu proqramdan istifadə edənlərin sayı artdıqca, məsələ gündəmə gəldi və bir çox şəxslərin şəxsi məlumatların yayılmasından narahatlıqlarını bildirdilər. Artıq dünəndən həmin proqrama giriş bloklanıb.

 

Məlumata görə, müvafiq şikayətlərdən sonra ölkə ərazisində bu proqramın istifadəsinə rəsmi olaraq icazə verilmir.

LENT

19 Fevral 2018
16 Fevral 2018
15 Fevral 2018
14 Fevral 2018
13 Fevral 2018