Bu bölmə Bakcell tərəfindən təqdim olunur

NASA Marsın tədqiqi üçün robot “arı”lar hazırlayır

NASA Marsın tədqiqi üçün robot “arı”lar hazırlayır.

 

İKT.lent.az-ın hi-news.ru saytına istinadən xəbərinə görə, şirkət nümayəndələrindən biri Çanq-Kvon Kan bildirib ki, bu robotlar cırcıramalar kimi qanadları ilə uçmaq imkanına malik olacaq.

 

Qanadların beş santimetrə qədər açılması robotlara çətinliklə gedilə bilən yerlərə uçmaqla bərabər, ətraf mühitin fiksasiya olunması üçün havada uzun müddət dayanmağa imkan verəcək. Robotlara atmosferin, həmçinin torpağın analizi üçün müxtəlif tənzimləyicilər, foto və video qeyd üçün vasitələr quraşdırılacaq. “Mars arıları” informasiyanı Marsda gəzən aparata yükləyəcək, bu aparat isə onları Yer kürəsinə yönləndirəcək.

 

NASA əməkdaşları tədqiqatlar zamanı miniatür yer robotlarının yaradılması təcrübəsinə malik olan yapon mühəndislər ilə əməkdaşlıq edəcəklər. Mütəxəssislər birgə səylə robotların konstruksiyasının olduqca sadə, eyni zamanda, etibarlı olmasına nail olmaq istəyirlər. Əslində “Mars arıları”nın yaradılması arzusu heç də təsadüfi deyil. Belə ki, Marsda atmosfer təzyiqi Yer planetindən bir neçə dəfə aşağıdır. Bu isə öz növbəsində dron kimi böyük uçuş aparatları və kiçik vertolyotların “qırmızı” planetin hava şərtlərinə uyğunlaşa bilməməsinə səbəb olur. Ona görə də aparat nə qədər kiçik olarsa, uçuş zamanı daha rahatlıqla hərəkət edə biləcək.

LENT

17 İyul 2018
16 İyul 2018
14 İyul 2018
13 İyul 2018