Bu bölmə Bakcell tərəfindən təqdim olunur

“Amazon” Türkiyədən ayaqqabı alacaq

ABŞ-ın məşhur online ticarət platforması “Amazon” Türkiyədən ayaqqabı almaq istəyir.

 

İKT.lent.az-ın “Bloomberg HT” saytına istinadən verdiyi xəbərə görə, bunu Türkiyə Ayaqqabı Sənayeçiləri Dərnəyinin (TASD) rəhbəri Süleyman Gürsoy deyib.  

 

S. Gürsoy bildirib ki, “Amazon” dərnəklə əlaqə saxlayaraq bu barədə müzakirə aparıb. Nəticədə TASD “Amazon”a Türkiyənin ayaqqabı istehsalı ilə məşğul olan ən yaxşı 40 şirkətinin adını amerikalılara təqdim edib. “Amazon” həmin şirkətlərlə danışıqlara başlayacaq.  

 

S. Gürsoy qeyd edib ki, “Amazon” ABŞ-da üçüncü böyük ayaqqabı satıcısıdır. Onun sözlərinə görə, türk ayaqqabıları dünyanın ən böyük e-ticarət platformalarından biri olan “Amazon” vasitəsilə qlobal bazara çıxacaq. TASD rəhbəri dünya ayaqqabı ticarətinin həcminin 155 milyard dollar olduğunu və Türkiyənin bu bazardan azı 1 milyard dollarlıq pay almağı hədəflədiyini söyləyib.

 

Ötən il Türkiyə 769 milyon dollarlıq ayaqqabı ixrac edib.

LENT

18 İyun 2018
15 İyun 2018
14 İyun 2018
13 İyun 2018
12 İyun 2018