Bu bölmə Bakcell tərəfindən təqdim olunur

Ukrayna Rusiyanın dövlət xəbər agentliklərini blokladı

Ukrayna dövləti Rusiyanın əsas informasiya qurumları – “RİA Novosti Ukraina” və “Rossiya seqodnya” Beynəlxalq İnformasiya Agentliyinə qarşı sanksiya tətbiq edib. 

 

İKT.lent.az-ın xəbərinə görə, yenilənmiş sanksiya siyahısı Ukrayna prezidentinin saytında yerləşdirilib. Ukraynalı provayderlərə “россиясегодня.рф”, "Sputniknews.com", "Ria.ru", "Rsport.ria.ru", "1prime.ru", "Realty.ria.ru" və "rian.com.ua" saytlarını bloklamaq tapşırılıb.

 

Bundan başqa, Rusiyanın aparıcı telekanallarının saytlarına giriş də qadağan edilib. Provayderlərə göstəriş verilib ki, aşağıdakı resurslar (eləcə də onların subdomenləri) blok edilsin: “rtr-planeta.com”, “russia.tv”, “vesti.ru”, “tvkultura.ru”, “digitalrussia.tv”.

 

Daha əvvəl bu telekanalların Ukraynada yayımına da qadağa qoyulmuşdu.

 

Qeyd edək ki, Ukrayna Təhlükəsizlik Xidməti (SBU) mayın 15-də “RİA Novosti Ukraina”ya qarşı əməliyyat keçirib. Agentliyin baş redaktoru Kirill Vışinski saxlanılıb, media qurumunun Kiyevdəki ofisində axtarış aparılıb. K. Vışinskiyə qarşı vətənə xəyanət maddəsi ilə ittiham irəli sürülüb və barəsində 2 aylıq həbs qərarı verilib.  

LENT

18 İyun 2018
15 İyun 2018
14 İyun 2018
13 İyun 2018
12 İyun 2018