Bu bölmə Bakcell tərəfindən təqdim olunur

"Tesla"da ixtisar: Maskdan işçilərə bəd xəbər

“Tesla”nın CEO-su Elon Mask əməkdaşlara elektron məktub göndərərək “Tesla Motors”un işçilərinin 9%-nin ixtisara düşəcəyini bildirib.  

 

İKT.lent.az-ın “Reuters”ə istinadən verdiyi xəbərə görə, məktub daxili istifadə üçün nəzərdə tutulsa da, mediaya sızıb.

 

E. Mask ixtisarı xərcləri azaltmağa və gəlirlə işləməyə yönəlmiş struktur dəyişiklikləri ilə əsaslandırıb: “Son bir neçə ildə “Tesla” şirkəti sürətlə inkişaf edib, nəticədə bir-birini təkrarlayan vəzifələr yaranıb. Bu, əvvəl hansısa məna kəsb edirdisə, hazırda onlara ehtiyac yoxdur. Xərcləri azaltmaq və rentabelliyə nail olmaq üçün biz təxminən 9% əməkdaşımızı azad etmək kimi çətin qərar qəbul etmişik. Biz ekoloji təmiz energetikaya keçidi sürətləndirməyə çalışırıq, lakin sabit gəliri təmin etmədən heç vaxt bu hədəfə nail ola bilmərik”.

 

E. Mask yeni “Model 3” layihəsi üzərində çalışan əməkdaşların işdə qalacağını söyləyib.

 

2017-ci ilin sonuna olan məlumata əsasən “Tesla Inç” şirkətində 37 min 543 nəfər çalışırdı. Onların 4 mindən çoxu işdən azad ediləcək.

 

Qeyd edək ki, E. Mask “Model 3” elektromobilinin iki mühərriklə çalışacağını və qiymətinin 36 min dollar olacağını açıqlayıb. Bir dəfə doldurulmaqla 300 km məsafə qət etmək mümkün olacaq

LENT

22 İyun 2018
21 İyun 2018
20 İyun 2018
19 İyun 2018
18 İyun 2018
15 İyun 2018
14 İyun 2018