Bu bölmə Bakcell tərəfindən təqdim olunur

Gələcəyin sərnişin təyyarəsi: "Boeing" təqdim etdi

“Boeing” şirkəti ABŞ Aeronavtika və Astronavtika İnstitutunun konfransında hiper səs sürətli sərnişin təyyarəsinin konseptini təqdim edib.

 

İKT.lent.az-ın xəbərinə görə, bu barədə şirkətin saytında məlumat verilib.

 

“Boeing”də hesab edirlər ki, 20-30 il sonra sərnişin avianəqliyyatı səsdən 5 dəfə sürətli hərəkət edə biləcək. Təqdim olunan konseptin həm kommersiya, həm də hərbi sahədə tətbiqi olacaq.

 

Hazırda təyyarə istehsalı ilə məşğul olan bütün iri şirkətlərin tədqiqatlarının əsas istiqamətlərindən biri məhz hiper səs sürətli sərnişin təyyarələrinin yaradılmasıdır. Bu cür təyyarələr uçuşlarda vaxta ciddi şəkildə qənaət etməyə imkan verəcək.

 

“Boeing”in təqdim etdiyi konseptin fotosunda elə də böyük olmayan təyyarə təsvir edilib. Bu tip təyyarənin 200-300 insan daşıyıb-daşımayacağı hələlik qaranlıq qalır. Şirkət hər hansı təfərrüat verməyib.

LENT

19 İyul 2018
18 İyul 2018
17 İyul 2018
16 İyul 2018